КОНТИНУИРАНО ПРОФЕСИОНАЛНО УСОВРШУВАЊЕ
Ревизија Стојчевски е акредитирана консалтинг куќа за вршење на едукативни обуки за континуирано професионално усовршување (КПУ) за сметководителите и овластените сметководители согласно Законот за вршење сметководствени работи (Службен весник на РСМ бр.173/22). Акредитацијата е добиена од Институтот на сметководители и овластени сметководители на РСМ.
Во согласност со Законот за вршење на сметководствени работи, Правилата на Меѓународната федерација на сметководители, како и Кодексот за етика на професионалните сметководители и одредбите на Меѓународните стандарди за образование, воведено е задолжително континуирано професионално усовршување за сите сметководители и овластени сметководители со цел обновување, проширување и осовременување на стручното знаење.
Континуираното професионално усовршување допринесува за стручен развој на сите сметководители и/или овластени сметководители. Континуираното професионално усовршување претставува преземање на прифатливи активности кои придонесуваат за континуирано професионално усовршување кои резултираат со очекуван развој на стручното знаење, умешност, вредности, етика и ставови на сметководителите и/или овластените сметководители, како и активности релевантни за нивната сегашна и идна работа и стручни обврски. Континуираниот професионален развој му овозможува на сметководителот и овластениот сметководител да ја развива и да ја одржи способноста компетентно да работи во рамките на професионалното опкружување.
За да го видите најновото известување на ИСОС за потребни часови на КПУ за сметководители и овластени сметководители до крајот на вториот циклус обуки за КПУ, кликнете на линкот: